都是《一些事 一些事》里的，不知合不合你的要求。
1我哋唔会忘记过去，但亦唔会想念过去。
2巨唔再爱我，巨只会记得我。
3生命先开始，我们应该让它延续落去。
4挥慧剑，斩情丝。
5人一世，物一世；为女死，为女亡，为女去教堂。
6每个人嘅一生中总回将自己的秘密封锁喺心入面，倘若有一个人手握住一把钥匙，去开启你嘅心锁，咁佢就应该系你嘅真命天子，因为一把锁过咗若干时间后就会生锈，亦即系感情变淡，呢个时候佢就会离开你----亲手将你的心锁重新关上。又要等若干时候另一个人用爱将你融化，但系，如果你想及早离开伤心嘅阴云，你可以去稳开锁佬。
7.我唔会忘记你，但我唔会挂住你！
8.我冇理由留低你，只好真心咁祝福你。
9喺啱嘅时侯遇见啱嘅人系一种幸福，喺啱嘅时侯遇见错嘅人系一种悲哀。喺错嘅时侯遇见啱嘅10人系一声叹息，喺错嘅时候遇见错嘅人系一份无奈。
爱一个人并唔系咁简单嘅，如果将感情抛开，世界将会变得更简单；女仔，只系一种幻想，佢会令事物变得模糊；你对佢系着迷，而佢对你，只系好奇；作为一个男仔，应该拥有理性，先系真正嘅人生。
11发展感情难，维系感情更难。
12走过，就该珍重；爱过，夫复何求。
13回头太难，复水难收.
14呢个世界上永远有一个人喺度等咁你，无论你哋有几远。
15未曾酒醉已清醒.未曾深爱已无情
16天若有情天亦老,人若无情死得早。
17爱过方知情重，醉过方知酒浓。
18人与人之间，无关系，只有距离。如果你同佢有左关系，就无距离。
19世间自总真情在，能挣一块是一块！
20人与人之间系没距离嘅，只有关系！
21发乎情,止乎礼!
23距离可以产生一些误会，但更可以产生一些思念！
24距离太远会冻，距离太近会痛！
25星星就系穷人嘅珍珠,我有嘅唔多，全比你喇！
26象牙塔里面嘅爱情系纯真嘅，一旦离开校园到左社会的大染缸就会侵袭好多杂
无间道经典粤语台词
对唔住，我系差人！
三年之后又三年，三年之后又三年，十年都嚟紧头啦老细
做咩？咁你上嚟做乜？上来晒晒太阳？
买佐几部车，后来发现我冇车牌，所以就请了两个司机。
我这个人特别坚强，我怕万一你催眠不了我，我可以自我催眠来配合你。
出来行噶嘛！唔系我爆你就系你爆噶！（
师父曾经告诉我：因果报应总有时。
我以前无得拣,我而家想做好人
周星驰电影里的所有经典台词(要粤语的)
国产凌凌漆之精彩对白 与某妓女嘅对话
外景：深圳某一市场猪肉摊前。
某女甲：你以为你匿喺度就揾唔到你咩？冇用架！你啲咁出色嘅难忍（男人），无论喺边度，都好似漆黑中嘅萤火虫一样，咁鲜明，咁出众。你忧郁嘅眼神，唏嘘嘅须根，神乎其技嘅刀法，同埋嗰杯Dry Martine，都彻底噉将你出卖咗。不过，你虽然系咁出色，始终行有行规，无论典（点）你都要找埋寻晚嗰条过夜数，叫鸡唔使畀钱呀？
凌凌漆：我重估我哋嘅交往系建筑喺感情之上，估唔到，原来都系一盘生意。
某女甲：讲感情都要畀钱架。
凌凌漆：明白嘅，有一早畀咗你啦。但系近排兴食斋，冇乜人帮衬，不如噉啦，攞篘猪肉返去顶住数先啦。嚟吖，粗粗地，唔该。
某女甲：你好嘢，山水有山逢。（某女甲提猪肉转身走。）
凌凌漆：
有兴趣嘅不如今天再相逢啦。
（某女甲把猪肉投向凌凌漆）
凌凌漆（用刀接住猪肉）：悭番。（顺势将猪肉切成两半，挂喺猪肉钩上）
某女乙：咩话？个衰佬唔肯畀钱？我帮你拖马喐佢！
某女甲：算啦，话到尾，佢始终都系一个独一无二、风度翩翩嘅猪肉佬。
（阿漆依着猪肉摊，品着白兰地。）
同达闻西嘅对话
（达闻西提住菜蓝，踏住积水而来，见到阿漆，突然停住，摆出架势。）
达闻西：力拔山兮气盖世……
凌凌漆（酒杯落地而碎）：时不利兮骓不逝。
达闻西：阿漆。
凌凌漆：闻西。
达闻西：我都系希望你叫番我全名——达闻西。
凌凌漆：冇问题吖，闻西。
达闻西：多谢。
凌凌漆：唔好客气，闻西。
达闻西：国家终于有任务畀你喇。
凌凌漆：系咩？
达闻西：嗯。
凌凌漆：终于都肯揾我嘞咩？（举刀将砧板劈开）
去错丽晶酒店
（凌凌漆穿一身黑衣，头戴礼帽，手提皮箱，款款而来。字幕：香港）
（凌凌漆同一女子好似有说有笑步入酒店。女子见到熟人停住，凌凌漆径自走到总台前。凌凌漆盯看酒店内女人嘅性感形象，睇到入晒神）
酒店服务员：Can I help you,sir?
凌凌漆：系啊，yes，well，我经已book咗房。
酒店服务员：请问贵姓呢？
凌凌漆：My name is 凌凌漆。
（一个鬼妹经过，想凌凌漆打招呼，漆回以挑逗眼神）
酒店服务员：唔好意思啊，冇你个名喎。
凌凌漆：咩话？有噉嘅事？（从袋里面攞出一张地址递畀服务员）请你查真啲吖。
酒店服务员：哦，对唔住啊，你book嘅唔系丽晶酒店，你book嘅系丽晶大宾馆。
（镜头转向一间破旧嘅招待所，凌凌漆仰望到丽晶大宾馆破落嘅门牌，皮箱不觉落地）
凌凌漆：Shit！
李香琴屋企
（阿漆食住支烟，环顾房间，阿琴唱住歌）
凌凌漆：香港美女多，我睇你都好有爱心喎，你经常喂嘢畀啲狗食吓。哎，乜你钟意画画嘅咩？
阿琴：系啊，你呢？
凌凌漆：我马马啫，我劏猪嘅。……咩歌啊？
阿琴：李香兰。
凌凌漆：哦，张学友嗰首李香兰，我识，不过唔系好熟，李香琴我熟啲。
阿琴：是咩？我个名咪叫李香琴啰。
凌凌漆：你叫李香琴？
阿琴：系呀，我叫李香琴。
凌凌漆： 哈——哈——哈，你叫李香琴，噉李香兰梗系你阿妈喇？
阿琴：系啊，李香兰真系我阿妈啊。
凌凌漆：哈——哈——哈——哈，李香兰是你啊妈？（顺眼一睇，地上有
烟头）你食唔食烟架？
阿琴：唔食。
凌凌漆：出嚟吖，（凌凌漆掹出枪，对准衣柜）出嚟啊！
凌凌漆（分析道）：你唔食烟，冇理由个烟头喺地下度，加上柜门虚掩，好明显有第三个人匿埋喺里面嚟！（拨开阿琴）你行埋一便，好危险啊。出嚟！（向衣柜踢去，腿 卡住喺柜门度）
阿琴：（执起烟头）你系唔系食健牌架？
凌凌漆：喂，你点知架？
阿琴：烟头系你自己抌架。
凌凌漆：噢，Shit！
阿琴（打开柜门，取出凌凌漆刚放入去嘅鞋）：嚟吖，着番对鞋。（回头，却见凌凌漆端坐于梳化上。）
凌凌漆：经过咗舟车劳顿，无可否认，我系神经过敏咗少少，但系我可以大胆讲句，我绝对系一个优秀嘅特务嚟。
阿琴：嗯，畀番对拖鞋我先。
凌凌漆（将拖鞋除出递畀阿琴）：今次我接受国家嘅任务，亦都系有备而嚟嘅。（打开皮箱）嗱，好似呢个model嘅F40噉样，表面上系一个大哥电话，但 你睇到呢度有一层金属网膜，实际上，（按一个钮）佢系一个须刨嚟嘅。（安然剃须）呢个系方便我哋出席一啲宴会场合，能够神不知鬼不觉噉刮须。（又攞出一个须刨刀） 呢个model911表面上系一个须刨，实际上，（除帽攞住）佢系一个风筒（用“风筒”吹头）。
阿琴（手上攞起另一个风筒）：使唔使咁多风筒阿？
凌凌漆： 风筒只系佢表面嘅掩饰，事实上，佢系一个须刨嚟嘅。问你死未？
阿琴：唔怪得知你咁靓仔啦。
凌凌漆：又唔好噉讲。
阿琴：噉你唔见咗个风筒呢？唔知点算呢，可？
凌凌漆（一耸肩）：哼，难我唔到，我并唔系浪得虚名。其实我着紧呢对鞋——都系一个风筒嚟嘅（吹风，梳头）你知啦，作为一个特务，仪表系几咁紧要得架。哎呀， 唔该，有冇两粒笔心电啊？啱啱冇电添，真系。
阿琴：冇喎。
凌凌漆：算啦，由佢，迟啲先搞。
阿琴：我真系好想知道，你个咁优秀嘅间谍，系用咩枪，可唔可以借我睇吓？
凌凌漆（一笑）：唔怕失礼讲句，枪其实我唔系好在行，我嘅强项系：飞刀。
阿琴：飞——刀？（窗外天气骤变，雷电交加）
凌凌漆：冇错，飞系小李飞刀个“飞”，刀系小李飞刀个“刀”。（不约而同企起身）
（凌凌漆抽出飞刀，仿佛瞄准一米老鼠玩具。一漂亮的出刀姿势后，刀却插在空墙上。）
阿琴：犀利。
凌凌漆：基本上——
阿琴（一摆手）：知架喇，言归正传啦。（攞出一箱武器）身为一个间谍，点都应该对枪系有啲认识嘅。呢支UFO来福枪，适合远距离狙击，射程两百米；呢种叫做224痰罐子弹， 系我特别配制专用嘅。
凌凌漆：我钟意呢个名字。
阿琴：357左轮密林，配备有爆破子弹添啊。
凌凌漆：呢啲孔龙射唔射得死啊？
阿琴：噉就要揾只试吓先知喇。（阿琴喺暗处装上子弹）中国制PPK，系国内间谍专用，射程一百二十米，缺点就是声音太大，但系用埋呢个灭声器之后，杀人就可以无声无息啦。（琴装上灭 声器，用枪指住凌凌漆）
凌凌漆：呢个唔知系咩嚟嘅呢？塞咗啲咩嘢喺里面？
阿琴：我谂系棉花啩。
凌凌漆：系棉花咁cheap嘅咋咩？（阿琴扣紧扳鸡）唔知厕纸得唔得呢，呵？
阿琴（放声大笑）：你靓仔得嚟，都几抵死嘅。
凌凌漆：睇唔到嘢嘅，喂。（阿琴欲扣扳鸡，此时凌凌漆却已旋下灭声器）都几骨致喎，唔知呢支啱唔啱呢。原来我支都啱用，可唔可以畀我试吓？
阿琴：好啊，你想点试吖？
凌凌漆：好大雨，等我闩闩窗先好嘛？
（阿漆将枪放喺台面，转身去关窗，阿琴攞起枪对准凌凌漆头开火，点知子弹却后射，射中自己右膊头。阿琴一声惊叫）
凌凌漆：做咩啊？你中咗枪嘅？
阿琴：试枪啊！
凌凌漆：呢支系倒后枪，一开就向后射架喇。
阿琴：你唔早啲讲！
凌凌漆：啲血系噉飙，等等我。（转过身，从箱中揾嘢，阿琴倒过枪口射击，点知都系射中自己左膊头，更大声地痛叫）
凌凌漆：你做咩啊？！
阿琴：我喺度试枪。
凌凌漆：又赖嘢咧？你做咩唔早同我啫，呢支枪全名叫做蛊惑的枪，向后射完再向前梅花间竹噉嚟加嘛。
阿琴：你唔早讲！
凌凌漆：啲血系噉飙，嚟吖，攞块胶布嚟粘住先啦，快啲。
（阿琴转身跑向洗手间，喺洗手间阿琴听到类似电话嘅铃声，揵开马桶盖，原来系司令嘅远程视频会议系统）
司令：阿琴，做咩你满头大汗噉？
阿琴：我啱啱冲紧凉啊。
司令：凌凌漆喺边啊？
阿琴：重喺度，但系你放心啦，我好快可以完成任务架喇。
司令：唔好喐手住，宜家计划有变，去到赖有为屋企，先至杀佢， 噉就可以嫁祸埋畀赖有为，而且绝对冇人怀疑系我哋做嘅，等多一日添啦。
阿琴：吓？ 重等多一日？
司令：嗯？乜你成身血嘅？
阿琴：冇，我啱啱刷紧牙，流牙血啫。
司令：你用啲咩牙刷啊？扫把嚟架？
（凌凌漆推门而进）
凌凌漆：点啊，你？
司令：hi，凌凌漆。
凌凌漆（敬礼）：司令，喺个屎坑度都能够见到你，真系开心！
司令：点啊？你两个合作合作成点啊？
凌凌漆：好，阿琴个人人品好，又冇乜架子，做朋友真是一流。阿琴，你又觉得我个人点啫？
阿琴： 你除咗靓仔之外我冇咩好讲。
凌凌漆：重有嘅，迟啲你就知喇。
司令： 希望你哋两个早日完成任务。
凌凌漆（阿琴共同）：是（知道）。
（司令关闭系统，阿琴将马桶冚番住，并冲水）
凌凌漆：阿琴，攞番支枪先。
阿琴：唔该。
凌凌漆：唔好喐，等我帮你。（贴胶布）
阿琴：块药水胶布呢留番你自己用啦，我冇事呀，唔该！
凌凌漆：听我讲，以后真系唔好立乱试枪。
阿琴（向上顶连续射数枪）：我钟意试枪啊，得唔得吖？（吊灯跌落阿琴头上……）